د چارچۆڤێ بەرفرەهکرنا پەیوەندی و هەڤکاریێن زانستی و ئەکادیمی دا، شاندەکێ بلند یێ زانکۆیا زاخۆ پشکداری د ئێکەم کۆمبوونا ئامادەکاری دا کر بۆ بەستن و ڕێکخستنا کۆنفرانسەکێ هەڤپشک یێ ناڤدەولەتی ل دور "دەرمانسازییا گیایی"، کو بڕیارە ل دوماهیا مەها نیسانا ساڵا ٢٠٢٧ـێ بهێتە گێڕان.
شاندێ زانکۆیا زاخۆ د ڤێ کۆمبوونێ دا ژ ڤان بەرێزان پێکهاتبوو:
• پ.هـ.د. جاسم محمد عبدو (هاریکارێ سەرۆکێ زانکۆیێ بۆ کاروبارێن زانستی و خواندنا بلند).
• پ.د. دیندار شمس الدین بری (ڕێڤەبەرێ گشتییێ سەنتەرێن ڤەکۆلینێن زانستی).
• پ.هـ.د. حمید سعید کجل (سەرۆک پشکێ بایۆلۆژی - کۆلیژا زانست).
ئەڤ کۆنفرانسە زانستییە دێ ب هەڤپشکیی د ناڤبەرا پێنج زانکۆ و دامەزراوەیێن ئەکادیمی دا هێتە ئەنجامدان، کو بریتینە ژ:
1. زانکۆیا زاخۆ.
2. زانکۆیا پۆلیتەکنیکی یا هەولێرێ.
3. زانکۆیا سەلاحەدین - هەولێر.
4. زانکۆیا هەولێر یا پزیشکی.
5. زانکۆیا شرناخێ یا تورکی.
د کۆمبوونێ دا، کو ل پەیمانگەها تەکنیکی یا مێرگەسۆر هاتبوو ئەنجامدان ب ئامادەبوونا ڕاگرێ پەیمانگەهێ و نوێنەرێن زانکۆیێن پشکدار، ڕوینشتنەکا بەرفرەهـ هاتە ئەنجامدان ل سەر ئامادەکاریێن دەستپێکی، دەستنیشانکرنا لیژنەیێن زانستی و ڕێکخستنێ، و دابەشکرنا ئەرکان بۆ سەرکەفتنا ڤی کۆنفرانسێ گرنگ.
د ئایندەکێ نزیک دا، مەرجێن بەشداریکرنێ و سۆزنامێن ئاراستەکرنا ڤەکۆلینان بۆ هەمی مامۆستا و ڤەکۆلەران دێ ب شێوەیێ فەرمی هێنە ڕاگەهاندن.